மூதூர் பிரதேச செயலக ஊழியர்கள் சிலர் தற்காலிகமாக வேலை இடை நிறுத்தம்

மூதூர் பிரதேச செயலக ஊழியர்கள் சிலர் திருகோணமலை மாவட்ட அரசாங்க அதிபர் அவர்களினால் தற்காலிகமாக வேலை இடை நிறுத்தம் செய்யப்பட்டுள்ளனர். அண்மையில் ஏற்பட்ட வெள்ளப்பெருக்கில் இடம் பெயர்ந்த அகதிகளுக்கு நிவாரணம் கொடுக்கப்பட்டதில் மோசடிகள் இடம் பெற்றுள்ளதாக குற்றம் சாட்டப்பட்டே இவ் இடை நிறுத்தம் இடம்பெற்றுள்ளதாக செயலக வட்டாரம் குறிப்பிடுகின்றது. பெரியபால கிராம சேவையாளராக கடமை புரிந்த எம்.ஏ. எம். பாரிக் அவர்களுடன் இரண்டு உயர் அதிகாரிகளும் இச்சம்பவத்தில் சிக்கியுள்ளனர்.    இச்சம்பவத்தில் சிக்கியுள்ள உயர் அதிகாரிகளின் வேலை இடை நிறுத்தத்தில் பின்னணி வேறாக இருக்குமோ அல்லது உண்மையில் இவர்களுக்கும் பாரிக் என்பவருடன் தொடர்பு இருக்குமோ என்பது பல்வேறு சந்தேகங்களை உருவாக்குகின்றது. 

எது எப்படி இருப்பினும் இவ் முஸ்லிம் உயரதிகாரிகள் இல்லாத நிலை முஸ்லிம் மக்களுக்கான சேவையில் ஓர் பின்னடைவை ஏற்படுத்தும் என்பது மட்டும் உண்மை. இது குறித்து பிரதேச சபை உறுப்பினரும் இச் சம்பவத்தை புகார் செய்தவருமான பி.ரி.எம். பைசர் என்பவர் தான் தேர்தல் நேரத்தில் மக்களுக்கு "பாரிக் G . S மற்றும் தனக்கு எசிய உயர் அதிகாரிகளை வேலைலிருந்து விளக்குவேன்"   என்று கொடுத்த வாக்குறுதியை காப்பாற்றி விட்டதாக தனது சேவைப்பட்டியலில் சேர்த்துக் கொண்டார். இது தொடர்பான இன்னமொரு விசாரணை நாளை நடைபெறவுள்ளது. இதற்காக GS (நிர்வாகம்), SSO மற்றும் FA என்போர் அழைக்கப்பட்டுள்ளனர். இவ்விசாரணைகளை தம்பலகாமம் DS முன்னேடுத்துச்செல்வது குறிப்பிடத்தக்கது.  

மூதூரில் "வேலை செய்ய காசு வாங்குறார் என்று நியாஸ் DS க்கும் பெட்டிசம் தான்' 'வேலை செய்ய காசே வாங்கிறார் இல்ல என்று சரீப் DS க்கும் பெட்டிசம் தான்" என்று பலரும் கூறுவதைப் பார்க்கும் போது மூதூர் மக்கள் தங்களுக்கு ஓர் வேறு மத சகோதரர்கள் நிர்வாகிகளாக வர வேண்டும் என்று விரும்புகிறதோ? என்பது கேள்வியாகின்றது. மூதூர் அபிவிருத்தியில் ஏனையோர்கள் சிந்தித்ததை விட எமது முஸ்லிம் அதிகாரிகள் அதிகமாக சிந்தித்திருக்கின்றார்கள் என்பது கடந்த கால வரலாறு கண்ட உண்மையாகும்.